مكالمة بين ولد و بنت بعد ما سابوا بعض
البنت: صاحبتك الجديدة أمورة علي فكرة
( في سرها : هي أحلي مني ؟ )
الولد : اه فعلا ً
( في سره : بس أنتي بردو أحلي بنت أنا شوفتها )
البنت : سمعت أنها لذيذة و طيبة
( هي الحاجات دي مش فيا ! )
الولد : اه جدا ً بقي
( بس بردو مش تتقارن بيكي)
البنت : تمام , يارب تكملوا مع بعض
( اللي مش قدرنا نعمله )
الولد : ربنا يخليكي
( احنا ليه مش كملنا ؟ )
البنت : طيب أنا مضطرة أقفل دلوقتي
( قبل ما أبدا أعيط )
الولد : وأنا كمان علشان عندي شغل بدري
( يارب متعيطش أنا عارفها )
البنت : مع السلامة
( لسه بحبك علي فكرة )
الولد : أشوفك قريب ان شاء الله
( عمري ما هبطل أحبك ابدا ً)..
كتير من العلاقات ينكتب لها الفشل رغم أنها تستحق النجااااااح !
0 التعليقات:
إرسال تعليق